அதிக பொருட்செலவில் தயாராகும் நடன படத்தில் பிரபுதேவா!

சமீபத்தில் தமிழில் 'லட்சுமி' என்ற முழு நடன படம் வெளியானது. ஏ.எல்.விஜய் இயக்கத்தில் பிரபுதேவா நடித்து இருந்தார். இந்தியிலும் பிரபுதேவா நடிப்பில் ‘ஏபிசிடி’ என்ற நடன படத்தை பிரபல டான்ஸ் மாஸ்டர் ரெமோ டிசோஸா இயக்கி வெளியிட்டார். இந்த படத்துக்கு ரசிகர்கள் மத்தியில் வரவேற்பு கிடைத்தது வசூலையும் குவித்தது.  இதைத்தொடர்ந்து ரெமோ டிசோஸா ‘ஸ்ட்ரீட் டான்சர்’ என்ற புதிய நடன படமொன்றை இயக்குகிறார். இந்த படத்தில் பிரபல இந்தி நடிகர் வருண் தவான் கதாநாயகனாக நடிக்கிறார். பிரபுதேவாவும் முக்கிய கதாபாத்திரத்தில் வருகிறார். இதில் கதாநாயகியாக தமிழில் கப்பல் படத்தில் நடித்த பூனம் பஜ்வா நடிக்கிறார். இதன் படப்பிடிப்பு தொடங்கியுள்ளது, லண்டனிலும் முக்கிய காட்சிகளை படமாக்குகிறார்கள். இதுவரை இந்தியாவில் வெளியான நடன படங்களை விட அதிக பொருட்செலவில் இந்த படத்தை எடுக்கின்றனர். 3-டியில் இது உருவாகிறது. வருண் தவான் கூறும்போது, “பிரபுதேவாவுடன் நடிப்பது மகிழ்ச்சியாகவும், உற்சாகமாகவும் இருக்கிறது” என்றார். இந்த படத்தை தமிழிலும் வெளியிடுகிறார்கள்.