அபிபடத்துடன் இணைந்த ஏர் ஆசியா!
கடந்த வருடம் சூப்பர்ஸ்டார் ரஜினி நடிப்பில் வெளியான 'கபாலி' படத்தில் விமானமும் முக்கியமாக இடம்பெற்றதால் படப்பிடிப்புக்கு ஒத்துழைப்பு கொடுத்த ஏர் ஆசியா நிறுவனம், ஒரு விமானம் முழுவதும் கபாலி மற்றும் ரஜினி படங்களால் வரையப்பட்டு பப்ளிசிட்டியில் பரபரக்க வைத்தது.
அதேபோல் தற்போது, 'அபி' என்கிற மலையாள படத்துடன் விளம்பர பார்ட்னராக கைகோர்த்துள்ளது ஏர் ஆசியா நிறுவனம்.மலையாள திரையுலகின் இளம் இயக்குனரும் நடிகருமான வினீத் சீனிவாசன் நடித்துள்ள இந்தப்படத்தின் கதை ஏர் ஆசியாவை இந்தப்படத்துடன் இணைத்துள்ளது.இப்படத்தின் கதாநாயகன் அபி பள்ளிப்படிப்பை கூட முடிக்காதவன்.. அவன் தனிடம் ஒளிந்துள்ள திறமையை வெளிப்படுத்தி தானே சொந்தமாக விமானம் ஒன்றை தயாரிக்கிறான் என்பதுதான் கதை.. படத்தில் விமானம் ஒரு முக்கிய கேரக்டராக இடம் பெறுவதால் தான் ஏர் ஆசியா நிறுவனம் இந்தப்படத்தை புரமோட் பண்ணும் விதமாக இத்துடன் இணைந்துள்ளது.
