சத்யராஜ் மகளின் முயற்சிக்கு கிடைத்த வெற்றி- மாணவர்களுக்கு காலை உணவு வழங்கும் திட்டம் தொடக்கம்!

நடிகர் சத்யராஜுக்கு சிபிராஜ் என்ற ஒரு மகனும் மற்றும் திவ்யா என்ற மகளும் உள்ளனர். சிபிராஜ் படத்தில் நடித்து வருகிறார்.இந்தியாவில் உள்ள டாப் நியூட்ரிசனிஸ்ட்களில் ஒருவர் சத்தியராஜ் மகள் திவ்யா. நியூட்ரிஷன் துறையில் எம்.பில் பட்டம் பெற்றுள்ளார். மேலும், சர்வதேச அளவில் நியூட்ரிஷன் துறையில் பல கான்பெரன்ஸ்களையும் நடத்தியுள்ளார். லாப நோக்கமின்றி இயங்கி வரும் உலகப் புகழ் தொண்டு நிறுவனமான அட்சய பாத்திராவின் தூதுவர் திவ்யா என்பதும் குறிப்பிடத்தக்கது. இதற்காக, கல்வி அமைச்சர் செங்கோட்டையனை சமீபத்தில் சந்தித்து தமிழ்நாட்டின் அரசு பள்ளிகளில் படிக்கும் குழந்தைகளுக்கு ஆரோக்கியமான காலை உணவு வழங்க அரசாங்கம் உதவ வேண்டும் என்று திவ்யா கேட்டுக் கொண்டார். அவரது  கோரிக்கையை பரிசீலித்த அமைச்சர் அதற்கு அனுமதியும் வழங்கினார். அட்சய பாத்திரா தொண்டு நிறுவனமும், சென்னை மாநகராட்சியும் இணைந்து இன்று முதல் பள்ளி குழந்தைகளுக்கு காலை உணவு வழங்குகின்றன. இதனை சென்னை திருவான்மீயூர் அரசு பள்ளியில் நடைபெற்ற விழாவில் ஆளுநர் தொடங்கி வைத்தார். தன்னுடைய கனவு நிறைவேற மகிழ்ச்சியில் திவ்யா தற்போது நெகிழ்ச்சியில் உள்ளார்.