சிவகார்த்தி – நயன்தாரா பட டைட்டில் குழப்பம்!

வேலைக்காரன் படத்தில் இணைந்த சிவகார்த்திகேயன், நயன்தாரா ஜோடி மீண்டும் புதிய படத்தில் இணைந்திருக்கின்றனர். இப்படத்தை ராஜேஷ் எம் இயக்குகிறார், பெயரிடப்படாமலே எஸ்கே 13 என்ற தற்காலிக டைட்டிலுடன் இப்படத்தின் படப்பிடிப்பு நடந்து வந்தது. பாஸ் என்கிற பாஸ்கரன், சிவா மனசுல சக்தி, ஒரு கல் ஒரு கண்ணாடி போன்ற படங்களை இயக்கிய ராஜேஷ் இயக்கத்தில் இப்படம் உருவாவதால் இது காமெடிக்கு முக்கியத்துவம் நிறைந்ததாக இருக்கும் என்ற படத் தரப்பு தெரிவித்துள்ளது. இப்படத்திற்கு ‘ஜித்து ஜில்லாடி’ என்று டைட்டில் வைக்கப்படவுள்ளதாக தகவல் கசிந்த நிலையில் ‘மிஸ்டர் லோக்கல்’ என்று டைட்டில் வைக்கவுள்ளதாக மற்றொரு தகவல் வெளியாகியிருக்கிறது. இதில் சிவகாரத்திகேயன், நயன்தாராவுடன் முக்கிய வேடத்தில் ராதிகா நடிக்கிறார். ஹிப்ஹாப் தமிழா ஆதி இசை அமைக்கிறார்.