தளபதி 64-ல் இணைந்த மற்றுமொரு பிரபலம் – யாராக இருக்கும் ?

பிகில் படத்துக்குப் பிறகு மாநகரம் பட இயக்குநர் லோகேஷ் கனகராஜ் இயக்கத்தில் நடிக்கிறார் விஜய். இதற்கான அதிகாரபூர்வ அறிவிப்பு ஆகஸ்ட் மாதம் வெளியானது.  இசை – அனிருத். அடுத்த வருடம் ஏப்ரல் மாதம் வெளியாகவுள்ளது. விஜய்யின் 64-வது படத்தில் விஜய் சேதுபதி, மாளவிகா மோகனன், மலையாள நடிகர் ஆண்டனி வர்கீஸ், சாந்தனு, ஆண்ட்ரியா போன்றோர் நடிக்கிறார்கள். விஜய் – விஜய் சேதுபதி நடிப்பில் லோகேஷ் கனகராஜ் இயக்கும் படத்தில் பிரபல தொலைக்காட்சித் தொகுப்பாளரும் நடிகையுமான விஜே ரம்யா இணைந்துள்ளார். இத்தகவலை ரம்யாவும் உறுதி செய்துள்ளார். தில்லியில் கடந்த 20 நாள்களாக நடந்த படப்பிடிப்பில் ரம்யா கலந்துகொண்டுள்ளார். தில்லியில் படப்பிடிப்பு முடிந்த பிறகு அடுத்தக்கட்டப் படப்பிடிப்பு சென்னையில் நடக்கவுள்ளது.