மாப்பிள்ளை விசாகனுக்காக கார்த்திக் சுபுராஜிடம் கதை கேட்ட ரஜினி!

முருகதாஸ் இயக்கத்தில் தர்பார் படத்தில் நடித்து வரும் ரஜினி, தன் இளைய மருமகன் விசாகனுக்காக கார்த்திக் சுப்புராஜிடம் ஒரு படம் இயக்கும்படி கேட்டுக் கொண்டதாக தகவல்கள் தெரிவிக்கின்றன. தொழிலதிபரான விசாகன், ஏற்கனவே வஞ்சகர் உலகம் படத்தில் நடித்தவர். தொடர்ந்து சினிமாவில் நடிக்க அவர் ஆர்வமாக இருப்பதால், அவருக்காக கார்த்திக் சுப்புராஜிடம் ரஜினி பேசியதாக தெரிகிறது. ரஜினியின் மூத்த மருமகனும், நடிகருமான தனுஷை வைத்து ஒரு படம் இயக்க இருக்கிறார் கார்த்திக் சுப்புராஜ். இப்போது அந்தப் பட்டியலில் ரஜினியின் இளைய மருமகனும் சேர்ந்து விட்டார். ஆனால், ரஜினியின் இந்த இரண்டு மருமகன்களில் யாரை முதலில் இயக்கப் போகிறார் கார்த்திக் சுப்புராஜ் என்பதை பொறுத்திருந்து பார்ப்போம்.