யோகிபாபுவின் ஒரு நாள் சம்பளம் ரூ.5 லட்சம்

வடிவேலு, சந்தானம் கதாநாயகர்கள் ஆனதால் அவர்களின் இடத்தை கெட்டியாக பிடித்து மளமளவென உயர்ந்துள்ள யோகிபாபு தமிழ் பட உலகின் தவிர்க்க முடியாத காமெடி நடிகராகி விட்டார். யோகி பாபு கடந்த வருடம் மட்டும் 20 படங்களில் நடித்தார். சர்கார், கோலமாவு கோகிலா, பரியேறும் பெருமாள் படங்களில் இவரது நகைச்சுவை பெரிய அளவில் ரசிக்கப்பட்டன. இப்போது ரஜினிகாந்துடன் தர்பார் படத்தில் நடிக்கும் அளவுக்கு உயர்ந்து இருக்கிறார். வடிவேலுவை நினைத்து எழுதிய கதாபாத்திரத்துக்கு இயக்குனர்கள் யோகிபாபுவை தேடுகிறார்கள். சம்பளத்தையும் உயர்த்தி விட்டார். ஒரு படத்துக்கு இவ்வளவு தொகை என்று வாங்கியதை நிறுத்திவிட்டு ஒரு நாளைக்கு ரூ.5 லட்சம் சம்பளம் நிர்ணயித்து உள்ளாராம்.  நிறைய தயாரிப்பாளர்கள், முன்னணி கதாநாயகர்கள் யோகிபாபு கால்ஷீட்டுக்காக காத்திருக்கிறார்கள்.