துருவ் விக்ரமின் அடுத்த படத்தை இயக்குபவர் இந்த முக்கிய இயக்குநரா ?

விக்ரமின் மகன் துருவ் ஆதித்ய வர்மா படத்தின் மூலம் தமிழ் திரையுலகில் கதாநாயகனாக அறிமுகமானார். தெலுங்கில் வெளியாகி வெற்றி பெற்ற அர்ஜுன் ரெட்டி படத்தின் தமிழ் ரீமேக்காக வெளியான இப்படத்தில் துருவ் விக்ரமின் நடிப்பு பலராலும் பாராட்டப்பட்டது. தற்போது அடுத்த படத்துக்கு தயாராகி வரும் துருவ் விக்ரம், பல்வேறு இயக்குனர்களிடம் கதை கேட்டு வருவதாக கூறப்பட்டது. இந்நிலையில், துருவ் விக்ரம் நடிக்கும் அடுத்த படத்தை மாரி செல்வராஜ் இயக்க உள்ளதாக தகவல் வெளியாகியுள்ளது. இவர் இயக்கிய பரியேறும் பெருமாள் படம் நல்ல வரவேற்பை பெற்றதையடுத்து, துருவ் விக்ரம் நடிக்கும் படத்தை மாரி செல்வராஜ் இயக்குவார் என கூறப்படுகிறது. இதுதொடர்பான அதிகாரப்பூர்வ அறிவிப்பு விரைவில் வெளியாகக்கூடும் என எதிர்பார்க்கப்படுகிறது.