200 கோடியை நெருங்கும் வசூல் – தொடர்ந்து வெளுத்து வாங்கும் விஸ்வாசம்!

சிவா இயக்கத்தில் அஜித், நயன்தாரா உள்ளிட்ட பலர் நடித்த படம் விஸ்வாசம். இப்படம் கடந்த 10ம் தேதி வெளியானது. ரிலீஸான முதல் நாளிலேயே தமிழகத்தில் ரஜினியின் பேட்ட படத்தை வசூலில் முந்தியது. படம் உலக அளவில் ரூ. 180 கோடிக்கு மேல் வசூல் செய்துள்ளது தெரியவந்துள்ளது. இப்படம் குடும்பங்கள் கொண்டாடும் படமாக அமைந்துள்ளது. இதனால் விஸ்வாசம் படம் ரிலீஸான 3 நாட்களில் உலக அளவில் ரூ. 100 கோடி வசூல் செய்தது. வெளியான முதல் வாரத்திலேயே படத்தின் செலவு மொத்தத் தொகையும் வசூலாகிவிட்டதாக படத்தின் தயாரிப்பாளரும், படத்தை வாங்கிய விநியோகஸ்தர்களும், திரையரங்க உரிமையாளர்கள் தெரிவித்தனர்.