அமலாபால் – விஜய் சட்டப்படி பிரிவு

நடிகை அமலாபால், இயக்குநர் விஜய் சட்டப்படி விவாகரத்து பெற்றனர். மைனா, தலைவா உள்ளிட்ட பல படங்களில் நடித்தவர் நடிகை அமலாபால். இவருக்கும், சினிமா இயக்குனர் விஜய்க்கும் இடையே கருத்து வேறுபாடு ஏற்பட்டது. எனவே சுமுகமாக பிரிந்து விடுவது என, முடிவெடுத்தனர்.

2016 ஆகஸ்ட்டில், சென்னை குடும்ப நல நீதிமன்றத்தில், இருவரும் ஆஜராகி, பரஸ்பர விவாகரத்து கோரி மனு தாக்கல் செய்தனர். ஆறு மாதங்களுக்கு பின், இவ்வழக்கு, குடும்ப நல நீதிமன்ற நீதிபதி பூங்குழலி முன், கடந்த சனிக்கிழமை அன்று விசாரணைக்கு வந்தது. இருவரும் நேரில் ஆஜராகி, சுமுகமாக பிரிவதாக, மனு தாக்கல் செய்தனர். அதைத்தொடர்ந்து, விவாகரத்து வழக்கு உத்தரவை, பிப்., 21க்கு, நீதிபதி பூங்குழலி தள்ளிவைத்தார். அதன்படி,நேற்று அமலாபால் – விஜய் இருவருக்கும் சட்டப்படி விவாகரத்து வழங்கி கோர்ட் உத்தரவிட்டது.